المنبر التونسي (سامي اللجمي) – على إثر حملة التشويه والتهجم التي تعرض لها الموسيقار سامي اللجمي صاحب عرض الزيارة فيما يخص رفضه للتكريم من طرف هيئة مهرجان المنستير الدولي اثر العرض يوم 10 اوت و هي طريقة دابت على تكريم كل فنان في نهاية عرضه على غرار ناصيف زيتون، امينة فاخت، ميقالو، زياد برجي، كريم الغربي، مرتضى وحتى الفرق الفلكلورية و غيرها. هذا ما اعتبره بعض الاعلاميين ردة فعل ناتجة عن تكبر و غرور حيث لم تقف عند هذا الحد فالانتقادات وصلت الى تصرفاته و لا مبالاته ورفضه لعقد ندوة صحفية كما وجهت له اتهام باستعماله تقنية البلاي باك في عروضه ، هذا التصرف لم يكن الوحيد علما وانه رفض تكريم هيئة مهرجان المكنين مما خلف غضب واستياء مدير المهرجان.
و رد اللجمي في تدوينة على حسابه الخاص بموقع التواصل الاجتماعي رغم تجاهله المستمر لاعداء النجاح و اكتفاءه بالتركيز الكلي على العمل إلا انه خير حق الرد على ما انتسب له ، جاء فيها ما يلي
“أول هام : أكبر تكريم بالنسبة ليّا هي هاك الخمسة دقائق ياقف فيها الجمهور يصفّق للمجموعة … لا حاجة لي بتكريمات الهيئات والمديرين ووو يكفينا فخرا ذلك المشهد المتكرّر في كل عرض أين يقف الجمهور ليحيينا ونحيّيه.
ثاني هام : أنا آخر من يستحق التكريم في عرض الزيارة … الزيارة مجموعة ونجاحها صنعتّو المجموعة كل من موقعه وأنا فرد في المجموعة وإذا فمّا شكون يستحق التكريم في المجموعة راهو الفريق التقني اللي والحق يقال يخدموا في خدمة جبّارة واللي يحب يكرّم الزيارة ما عليه كان يعمل تكريم للفريق ككل.
ثالث هام : في 2007 جيت الأول في الماجستير (آي آي قرّاي وكذا هههه) كلموني من المعهد العالي للموسيقى باش نحضر حفل تكريم … أسعدني ذلك كثيرا أما لتو لا مشيت لحفل التكريم … عندي حسّاسيّة مفرطة من التكريمات والجو هاكا وبالرغم من طابع خدمتي لتو لا انجّم ناقف قدّام الجمهور ونتواصل معاه ! نتحرّج عللخّر ونحشم.
رابع هام : كيف يكون عندك برنامج تكريم لازم تعلم المشرفين على العرض ! خاتر الزيارة ماهيش وكالة ! الركح ماهوش بطحاء في حومتك تطلعلو وقت اللي تحب ! كيف إنت ما تنجّمش تعيش في وسط النظام ما تستنّاش منّي باش نعيش معاك في وسط الهمجيّة متاعك … نخدم بنظام ونعيش بالنظام وباش نبقى هكّا حب من حب وكره من كره.
خامس هام : الموضوع ما عندوش علاقة بالغرور والتكبّر … إنت اللي قاري في روحك النّقص !
آخر هام : ماهيش مشكلتي كيف تحس بروحك صغير قدّامي.
وفي بلاغ صادر عن هيئة مهرجان المنستير الدولي حول هذا الموضوع جاء فيه :
تؤكد هيئة مهرجان المنستير الدولي على أنها حريصة كل الحرص على المحافظة على علاقاتٍ جيدة و متميزة مع كل الفرق و المبدعين المنتجين.
واننا واذ نحترم حق الإعلاميين في التعبير عن رأيهم، فإننا نؤكد على نجاح العرض الأخير الزيارة يوم 10 أوت 2018 و العلاقة الجيدة التي تربط هيئة المهرجان بفريق هذا العمل المتميز وخاصة الصديقين محمد بوذينة و سامي اللجمي.
وإن هيئة المهرجان كانت تود أن تكون قد تمت عملية تكريم المبدع سامي اللجمي في آخر العرض و هو أمر لم يتم مع الأسف بسبب ما يبدو أنه سوء تفاهم…
ونرجو في الختام لعرض الزيارة مزيدا من النجاح والتألق.
