المنبر التونسي (نزيهة رجيبة،مدير الديوان الرئاسي) – سخرت امس الناشطة الحقوقية نزيهة رجيبة من الحملة التي شنّها من وصفتهم بأصدقائها العلمانيين ضد رؤوف بالطيب التي ذكرت بعض التقارير أنه من المرتقب تعيينه مديرا لديوان رئيس الجمهورية قيس سعيد.
وتحدّثت “أم زياد ” عن علاقة الصداقة التي تجمعها به وقالت متهكّمة “السيد غلطني وما فقت بحقيقتو الاسلامويداعشية ..الا امس بمناسبة خبر تعيينو مدير ديوان قيس سعيد……احنا صحاب على الفيسبوك لكن عمري ما دخلت بروفيلو باش نكتشف اللي اكتشفوه امس اصدقائي العلمانيين”.
وتابعت متهكمة “السيد يبرتاجي في حوايج تقشعر من تطرفها الأبدان….ادعية ومحاضرات دينية واللطف اللطف يا وخيتي تصاور ضد المجاهد الاكبر وفيدوات العايق لطفي العبدلي وهو يهاجم في بعض الإعلاميين ويفرك فيهم على انصار نبيل القروي
ومع هاالسخط الكل سي قيس راجل اشراف يحب يعينو في القصر اللي كان فيه بن تيشة وهذوما كيما نعرفو الالهة متاع الكفاءة و اخلاق الحداثة.
وأضافت “شفتو المهف؟!! خدعني وعداها عليا انا العلمانية الكبيرة (في العمدر ما تخافوش) وخبى لحيتو الخوانجية ورا سوريتو السينيي والجيليا اللي راميها على كتافو وكمامها تدلدل على صدرو”.
