المنبر التونسي (عفاف الغربي) – كشفت الاعلامية عفاف الغربي عن علاقتها بصاحب قناة الحوار التونسي سامي الفهري .
وقالت عفاف الغربي في تدوينة على حسابها بموقع التواصل الاجتماعي “انستغرام” : “مرة في الصباح تليفوني رن رقم ما نعرفوش ، هزيت نلقاه سامي الفهري ، استغربت خاطر الحقيقة علاقتي بيه مش قريبة برشة و مهنية لأبعد الحدود و ما نخدمش في قناتو سلم عليا و حكى معايا ببرشة تربية و احترام ، قالي راني في المونتاج و البارح سجلت مع “ضيفة” من الضيوف قالت في وسط حديثها اللي انتي وراء خروجها من الراديو و برشه كلام قالي ما نجمتش انصدقو فطلبتك بش نفهم منك و انا عندي ثقة في مصداقيتك و مهنيتك ، شكرتو و فسرتلو و سلمنا على بعضنا و انتهت المكالمة..
طبعا تم حذف كل ما تجرأت به المدعوة من كذب و إفتراء دون ان أطلب منه ذلك..
شفتو علاش سامي الفهري كي يبدا في ضيقة الزملاء كل و الفنانين كل تاقف معاه و ما يقولو فيه كان الباهي خاطرو راجل في زمن قلت فيه الرجولة (نفس هذا التصرف زاده صار مع زميلي المحترم هادي زعيم) كل واحد يجبدو فعلو” .
ويذكر أن الممثلة رانيا القابسي أعلنت خلال استضافتها في برنامج “ديما لاباس” على قناة “التاسعة” أن عفاف الغربي وراء طردها خروجها من اذاعة “شمس اف ام”.
