المنبر التونسي(سمير الوافي) – علق الاعلامي سمير الوافي على تسجيل تونس رقم قياسي في اصابات كورونا امس.
ونشر التدوينة التالية:
رقم قياسي مروع 5251 إصابة و 106 وفاة في 24 ساعة…والوضع ينهار أكثر…!!!
وتجي تنقد فنان بودورو عامل حفلة لعقاب الليل…تقوللو لم روحك وشد دارك واحترم القانون…يقوم يعيط ويسب ويعمل فيها باندي ويخرّج التبوريب اللي فيه…ويسقط قناع الفنان ويظهر وجه ” الخليقة “…!!!
وتنقد جمهور كورة خرج يحتفل بالآلاف…يجاوبوك ” شبيك شفتنا ونقدتنا كان أحنا وما تنقدش غيرنا !؟ “…يعني يتنافسوا مع غيرهم في الاستهتار والهمجية والفوضى وتوزيع الفيروس…ويتسابقوا شكون يموت قبل والا شكون يقتل أكثر…!!!
كل من يتجاوز الإجراءات ويتبورب على الدولة الضعيفة…وينظم أو يشارك في تجمعات جماهيرية أو حفلات أو غيرها…هو مجرم وقاتل…وكل مواطن يموت يوميا هو إما ضحية ذلك أو شريك في ذلك…!!!
انت اخترت الخبز لك ذلك…لكن لا تقتل معك من اختار صحته…!!!
