المنبر التونسي (للتحرش الجماعي) – بعد أيام من نشوب الواقعة، التي هزت مواقع التواصل الاجتماعي، وأصبحت حديث وسائل الإعلام، قررت كل من زهرة ومي، فتاتي المنصورة، اللتين تعرضتا للتحرش، مؤخرًا خلال احتفالات رأس السنة، الخروج عن صمتهما والحديث عن الواقعة بكواليسها، وعن تفاصيل التحريات، فضلًا عن التطرق إلى مظهرهما وملابسهما، وملابسات الحادث.
مي: اتنازلنا لأن مش دول اللي اتحرشوا بينا
قالت مي، إحدى ضحيتي الواقعة، إنهما لم تتنازلا عن حقهما، ولكنهما تنازلتا عن الاتهام الموجه لـ7 أشخاص المُتحرى عنهم، لأنهم غير مُتهمين، مؤكدة: “المتهمين الحقيقيين بره السجن، وجايبين أطفال أول مرة نشوفهم في حياتنا النهاردة، ولو شفتهم هعرفهم، منظرهم بلطجية، دول مش مسلمين“.
وأوضحت مي أنها وصديقتها زهرة الضحية الثانية في الحادث، لم تتعرض إلى ضغوط للتنازل عن القضية: “لكن اتصدمنا بأشكال المتهمين لأنهم أطفال، واللي هاجمونا ناس سنها كبير ومش ولاد ناس أبدًا”.
كواليس محاولة الفتيات للخروج من مأزق التحرش
وتطرقت مي، للكشف عن كواليس محاولاتها للخروج من حادث التحرش، قائلة: “رنيت على 3 صحابي خدوني، وكان في 2 معرفهمش، واحد معاه كلب والتاني معاه خشبة، وهم دلوقتي متهمين في القضية اللي دافعوا عني فيهم، ولولاهم كان حصلي زي اللي حصل لصحبتي“.
وتابعت: “عدد المتحرشين كان كبيرًا للغاية، كانوا بيعاكسونا، وبعدين صورونا أخدت موقف، ولقينا ناس دافعت عننا اتخانقوا معانا، ودخلونا محل موبايلات خاف على محله ومشانا، وبعدها واحد ركب جنبنا في العربية وهو اللي حطنا في العمارة والبيوتي سنتر“.
واستنكرت مي، نشر مقاطع الفيديو الخاصة بالواقعة عبر منصات التواصل الاجتماعي: “الناس كلها عمالة تكلم في أهلنا، وكل واحد لما يلاقي فيديو جديد لما يصدق ينزله عشان التريند على قفانا إحنا”.
وأشارت مي، إلى أنها تدرس في الصف الثالث لكلية التربية، مشددة على أنها لن تتنازل عن البلاغ المقدم في الواقعة قبل ضبط الجناة الحقيقيين: “دي صدمة عمري وأول مرة تحصل في حياتي، ولو وسط مين هعرفهم“.
دي حريتي وفي حاجة اسمها دين
وواصلت “مي” الرد على التبريرات التي يختلقها البعض، حول سبب التحرش، قائلة: “عمري ما هكرر الموقف ده تاني، لكن مش هخاف أنزل الشارع، إحنا صحاب حق ومجني علينا، بروح جامعتي عادي وأواجه الناس”.
