المنبر التونسي(برهان بسيس) – نشر الإعلامي برهان بسيس، التدوينة التالية على جداره في الفايسبوك:
“ساعة نمشي عالكياس نفركس على فارماسي محلولة ما لقيتش…. أنا محظوظ الي عندي كرهبة وهاني ندور من بلاصة لبلاصة على دواء مستعجل، المشاوي بجنب بعضها موجودة وكلها تخدم، القهاوي كيف كيف بجنب بعضها وتخدم، العطارة والخبازة والخضارة، جينا في صيدليات الدواء وعاملين قوانين سوفياتية متع رخصة حلان صيدلية للقارين في كليات الصيدلة أصعب من رخص بعث مفاعل نووي والحكاية لكل بالطبيعة ما فيهاش تخمام في مصلحة المريض الي يشري الدواء بل هي اولا وأساسا واخيرا مصلحة الربح المادي متع العدد المحدود الي عندهم الفارماسيات….. حرروا الحكاية يرحم والديكم راهو دواء نستحقوه ليلا نهارا في كل وقت وفي كل مكان اهم الف مرة من تحرير رخصة الفريب والا الدخان…. تلقى المشوي أسهل مالدواء في بلاد الاتحاد السوفياتي والله عيب كبير….” ..
